Totaj në emisionin “Info Nata” në Tëvë1, tha se këta punëtorë kanë pasur qasje në dokumente zyrtare.
“Një karakteristikë që kemi gjetur, një numër të madh të punëtorëve të cilët kanë qenë duke punuar nëpër drejtori që nuk kanë pasur fare kontrata dhe nuk kanë marrë fare paga. Kanë pasur qasje në dokumente zyrtare dhe kompjuterë zyrtar dhe mu kjo mu është dukur paradoksale”, deklaroi ai.
Ai thotë se i ka larguar këta persona të cilët kanë shkuar në punë pa kontrata dhe pa paga.
“Kanë qenë persona të cilët kanë shkuar në punë, nuk kanë pasur kontratë pune, nuk kanë marrë rrogë por kanë punuar. Kanë qenë punëtor formal, punën e kanë kryer formalisht, çfarë pune kanë kryer nuk e di. Nuk kanë pasur kontratë dhe nuk kanë marrë pagë dhe natyrisht që ata punëtorë i kemi larguar”, ka thënë Totaj. /teve1.info/
