Lille – Marseille do të jetë kryendeshja e xhiros së 32-të të kampionatit të Francës.
Kjo ndeshje zhvillohet të dielën nga ora 20:45 dhe është e rëndësishme për te dyja skuadrat.
Marseille ka 58 pikë dhe renditet në pozitën e dytë. Lille mban vendin e tretë me 56 pikë. Vetëm tri pozitat e para të kampionatit francez dërgojnë në Ligën e Kampionëve në edicionin e ardhshëm.
Si Marseille ashtu edhe Lille po garojnë që t’i ruajnë pozita që i kanë. Deri në fund të kampionatit kanë mbetur edhe tri xhiro.
Lille ka tri fitore rresht në ligë, kurse Marseille dy. Humbja për secilën skuadër do të mund të kishte çmim të lartë. Janë disa skuadra të tjera që synojnë kualifikimin në Champions.
Monaco ka 55 pikë në pozitën e katërt. Larg nuk janë as Lyoni, Nice dhe Strasburgu me nga 54 pikë.
Monaco luan të shtunën nga ora 21:05 në udhëtim te Saint-Etienne.
Saint-Etienne ka 27 pikë në pozitën e parafundit dhe po lufton për mbetje në ligë.
Titullin e kampionit në Francë tashmë e ka siguruar PSG-ja.
Parisi të shtunën nga ora 17:00 luan në udhëtim te Strasbourgu. Parisienët mendjen e kanë te Championsi. Në ndeshjen e parë gjysmëfinale fituan 1:0 ndaj Arsenalit në Londër. Ndeshja e kthimit është në “Parkun e Princave” në Paris të mërkurën.
