Potera në emisionin “Ditari” në Tëvë1, ka thënë se humbësi më i madh në këtë rast janë nxënësit.
“Sindikatat po e shfrytëzon një të drejtë ligjore të cilën ia jep ligji që të mbrojë interesat e mësimdhënësit, ndërsa për pasojat nuk po mendohet fortë shumë. Ata po e përdorin këtë si instrument për të arritur qëllimet e veta dhe pikërisht pse sot ditën e fundit të javës dhe pse në këtë kohë për të arritur presionin te qeveria. Humbësi më i madh në këtë rast janë nxënësit. Pasojat i kanë menduar edhe sindikatat si numra por pasojat janë shumë më të mëdha në humbje të cilat u shkaktojnë pikërisht në këtë kohë nxënëseve”, tha ai.
Sipas Poterës, orët mësimore që janë humbur gjatë tre viteve të fundit dhe këto të sotmet janë të pakompenzueshme.
“Nxënësit këto dy-tri vite kanë humbur shumë orë mësimi, kështu që edhe studimet tregojnë që diku rreth 15% deri 30% janë humbje mësimore, tash nëse ia shtojmë edhe këto humbje që janë shkaktuar sot atëherë vërtetë këto janë të pakompenzuershme për nxënësit. Të humbim një ditë pune që për dikë ndoshta është jo shumë mirëpo për nxënësit është shumë e madhe që t’i humb katër orë, pesë apo sa i kanë pasur”, tha Potera. /teve1.info/