Një person në fshatin Turuqicë të Podujevës ka njoftuar se të dielën pas një konflikti në pyll ishte qëlluar me armë zjarri nga një pylltar.
Në raportin 24-orësh të Policisë bëhet e ditur se viktima të mërkurën ka pranuar trajtim mjekësor në Qendrën Klinike Universitare të Kosovës në Prishtinë.
Lidhur me rastin thuhet se rastin është intervistuar i dyshuari dhe disa dëshmitarë të tjerë, ndërkaq arma me katër fishekë është konfiskuar.
“Viktima mashkull kosovar, ka njoftuar se pas një konflikti në pyll ishte qëlluar me armë zjarri nga i dyshuari mashkull kosovar-pylltar. Ankuesi me dt. 30.04. 2025 ka pranuar tretman mjekësor në QKUK Prishtinë. Lidhur me rastin është intervistuar i dyshuari dhe disa dëshmitarë të tjerë. Nga njësiti i hetimeve është konfiskuar arma me 4 fishekë të kalibrit 12 mm. I dyshuari është liruar në procedurë të rregullt”, ka bërë të ditur Policia në raportin 24-orësh./teve1.info/
