Socialdemokratët e qendrës së majtë të Gjermanisë kanë arritur një marrëveshje për t’u bashkuar në një qeveri të re koalicioni, duke i hapur rrugën parlamentit të zgjedhë udhëheqësin konservator, Friedrich Merz si kancelarin e ri të vendit.
Partia e kancelarit në largim, Olaf Scholtz, do t’i bashkohet një koalicioni të udhëhequr nga Bashkimi Kristian Demokrat i qendrës së djathtë i Merz dhe partia simotër bavareze, Bashkimi Kristian Social, i cili fitoi zgjedhjet e Gjermanisë në shkurt me 28.5%.
Socialdemokratët e vunë një marrëveshje koalicioni të arritur në fillim të prillit në një votim online të mbi 358,000 anëtarëve të tyre, të cilët votuan gjatë dy javëve të fundit.
Partia njoftoi të mërkurën se 56% e anëtarëve të saj votuan në votim, nga të cilët 84.6% hodhën votat e tyre pro, raporton AP.
Marrëveshja u jep socialdemokratëve ministritë kyçe të financave, drejtësisë dhe mbrojtjes, ndër të tjera. CDU dhe CSU e miratuan më parë marrëveshjen.
Dhoma e ulët e parlamentit gjerman do të mblidhet më 6 maj për të zgjedhur Merz si udhëheqësin e 10-të të vendit që nga Lufta e Dytë Botërore.
