Pasi vendimi i Gjykatës ende nuk është zbatuar, shefat e misioneve të Francës, Gjermanisë, Italisë, Mbretërisë së Bashkuar dhe Shteteve të Bashkuara të Amerikës kanë thënë se zbatimi i ligjit dhe respektimi i pavarësisë së gjyqësorit janë obligime të të gjitha qeverive të zgjedhura në mënyrë demokratike.
“Prandaj, sërish i bëjmë thirrje Qeverisë së Kosovës që, në përputhje me vendimin e Gjykatës Kushtetuese, të veprojë pa u vonuar për zbatimin e plotë të regjistrimit të ligjshëm të tokës së Manastirit të Deçanit”, thuhet në deklaratën e shefave, epublikuar nga Ambasada e SHBA-së në Kosovë.
Procesi gjyqësor rreth 24 hektarëve tokë dhe pyll në mes Manastirit të Deçanit dhe ndërrmarrjeve shoqërore “Apiko” dhe “Iliria” ka zgjatur për 16 vjet. /Teve1.info/
