Në “Info Nata” në Tëvë 1, Ibishi theksoi se ka një spektër të gjerë kompetencash të policisë ushtarake, ndër të tjerash edhe mbarëvajtjen e disiplinës ushtarake.
“Ajo ka mbarëvajtjen e rendit, pra të disiplinës ushtatrake, qoftë brenda sistemit të kazermave por edhe jashtë, personelit të FSK-së, por njëkohësisht edhe të Ministrisë së Mbrojtjes…por edhe në misione ndërkombëtare kur FSK-ja merr mandatin edhe pjesëmarrjes qoftë misione paqësore humanitare apo tjera çfare është e paraparë me ligjin për angazhime jashtë vendit të FSK-së”, tha ai.
Eksperti i sigurisë shtoi se policia ushtarake ka për qëllim edhe mbrojtjen e personelit ushtarak.
“Gjithashtu ka të bëjë me mbrojtjen e personelit ushtarak, mandej rregullimet e trafikut. Pra edhe kur Forca e Sigurisë është në qarkullim, edhe çështjeve tjera që lidhen me sigurinë e personelit qoftë FSK-së apo siç e ceka Ministrisë së Mbrojtjes”, deklaroi Ibishi. /Teve1.info/