Krimea është bërë fokusi kryesor në përpjekjet për të arritur një marrëveshje paqeje të udhëhequr nga SHBA, që do i jepte fund luftës së Rusisë në Ukrainë.
Presidenti rus, Vladimir Putin të mërkurën ka kritikuar presidentin ukrainas, Volodymyr Zelensky pasi e akuzoi atë për zgjatjen e “fushës së vrasjes”, pasi ky i fundit këmbënguli se nuk do lëshonte pe në dhënien e asnjë territori, përfshirë Krimenë, si pjesë e një marrëveshjeje të mundshme të paqes.
“Nuk ka asgjë për të folur. Është toka jonë, toka e popullit ukrainas,” tha ai.
Kurse, Trump e quajti kundërshtimin e Zelenskit “shumë të dëmshëm” për bisedimet.
“Askush nuk po i kërkon Zelenskit që të njohë Krimenë si territor rus, por nëse ai do Krimenë, pse nuk luftuan për të njëmbëdhjetë vjet më parë, kur ajo iu dorëzua Rusisë pa gjuajtur asnjë plumb?” ka shkruar ai në rrjetet sociale.
Aneksimi i paligjshëm i Krimesë nga Moska më 18 mars 2014, u njoh ndërkombëtarisht vetëm nga vende të tilla si Koreja e Veriut dhe Sudani. Në Rusi, ajo shkaktoi një valë patriotizmi.
Gjatë mandatit të parë të Trump, SHBA tha se kurrë nuk do ta njihnin Krimenë si ruse.
Rusia aktualisht mban afërsisht 20% të tokës ukrainase, duke përfshirë Krimenë, kështu që nga çdo marrëveshje që ngrin linjat pak a shumë aty ku janë, Moska do të përfitonte.
