Ministrja në detyrë e Punëve të Jashtme dhe Diasporës, Donika Gërvalla, thotë se Kosova sot shënoi edhe një moment tjetër të rëndësishëm në rrugëtimin e saj ndërkombëtar, njohjen nga Sudani.
Ajo u shpreh se mirënjohëse ndaj Sudanit dhe presidentes Vjosa Osmani për punën e saj.
“Kjo njohje vjen vetëm pak javë pas lajmit të mirë nga Kenia, duke forcuar më tej praninë dhe subjektivitetin ndërkombëtar të Republikës së Kosovës në Afrikë dhe përtej saj. Jemi thellësisht mirënjohës Sudanit për këtë vendim, Presidentes Osmani për punën e saj, si dhe të gjithë aleatëve tanë që kontribuuan në këtë sukses të përbashkët diplomatik”.
Gërvalla pret ndërtim të marrëdhënieve të qëndrueshme diplomatike dhe bashkëpunim me Sudanin në fusha me interes të ndërsjellët.
