Avni Dehari nga Lëvizja Vetëvendosje është regjistruar si deputet i Kuvendit të Kosovës.
Dehari tha se LVV me këdo që e bënë qeverinë e re për të është njësoj.
“Me këdo që bëhet për mua është njësoj”, tha ai.
Ndërsa, edhe dje disa anëtarë të Lëvizjes Vetëvendosje, të cilët janë regjistruar sot si deputetë në Kuvendin e Kosovës, janë deklaruar të bindur se ky subjekt i ka numrat për formimin e qeverisë.
Kryeministri në detyrë, Albin Kurti të enjten nuk i është përgjigjur mediave sa i përket formimit të qeverisë apo zgjedhjeve të jashtëzakonshme të mundshme, raporton Kp.
Në zgjedhjet e 9 shkurtit, LVV-ja mori 48 mandate, numër ky i pa mjaftueshëm për të qeverisur e vetme në Kosovë.
Kryetari në detyrë i Kuvendit të Kosovës, Glauk Konjufca ka takuar më 8 prill kryetarët e partive politike në vend, lidhur me përgatitjet për seancën konstituive. Presidentja Vjosa Osmani e ka caktuar 15 prillin si datë për konstituimin e Kuvendit, pasi Kosova mbajti zgjedhjet e rregullta parlamentare më 9 shkurt.
Sot në Kuvendin e Kosovës pritet të regjistrohen deputetët e PDK dhe LDK.
