Kambanat e alarmit po bien në Prishtinë, Beograd dhe Sarajevë.
Kështu nis shkrimi në gazetën evropiane POLITICO, ku kryepersonazh kryesor ka Sekretarin e Jashtëm britanik, David Lammy i cili vizitoi së fundi Kosovën dhe vendet e rajonit.
Nga qëndrimi në Ballkanin Perëndimor, zyrtari i lartë i Mbretërisë së Bashkuar ka parë që vërejtur që Rusia ka zgjatur dorë në këtë pjesë të Evropës.
Ai ka thënë se Moksa zyrtare mund të ndez konflikte në Kosovë, Serbi dhe Bosnjë.
Kjo pasi që sipas Sekretarit të Jashtëm britanik, presidenti despotik, Vladimir Putin, dëshiron largimin e vëmendjes nga Ukraina.
“Në këtë kohë, me luftën në Evropë dhe duke parë dorën e gjatë të ndërhyrjes ruse edhe në rajon, do të ishe budalla nëse do të hiqje syrin nga Ballkani Perëndimor, ku ka ende çështje të trashëgimisë që ende nuk janë kapërcyer. Interesat e Putinit këtu janë të mbajë rajonin të destabilizuar. Është në interesin e tij të mbajë vendet që përbëjnë Ballkanin Perëndimor të ngrirë dhe të destabilizuar. Ata janë në gjendje të bëjnë çfarë të dëshirojnë, gjërat mund të përshkallëzohen shumë, shumë shpejt në këtë rajon”, tha ai.
Lammy tutje ka shtuar se situata e brishtë vazhdon të mbetët edhe në veriun e Kosovës.
Nga Qendra Kosova për Studime të Sigurisë, Mentor Vrasjolli thonë se ka akterë të ndryshëm në rajon të cilët tentojnë të shfrytëzojnë situatën e pakënaqur të BE-së me Shtetet e Bashkuara të Amerikës.
“Shumë akterë në rajon i ka bërë që të mendojnë se është krijua një momentum i favorshëm për ta, mbase këto janë edhe iluzione është e qartë se politika amerikane në raport me evropën nuk do të ndryshoj dukshëm. Shtetet e Bashkuara të Amerikës kanë qenë investitor të paqes në rajon”
Drejtori i kësaj organizate, Mentor Vrajolli tha se ka ende individ që paguhen nga presidenti i Serbisë, Aleksandër Vuciq për të mbajtur situatën në tension.
“Në pjesën veriore ka, janë disa individë të cilët janë të paguar qarqet serbe për të mbajtur situatën e tensionuar atje. Ka edhe ndonjë pakënaqësi nga ana e qytetarëve serbë për arsyeje se ka një ndryshim radikal të gjendjes së sundimit të ligjit atje përderisa deri para dy tre viteve nuk ke pas sundim të ligjit në pjesën veriore
Ai gjithashtu përmendi edhe sulmin në Banjskë të Zvecanit më 24 shtator të vitit 2023 por edhe sulmin në infrastrukturën kritike në kanalin e “ Iber Lepencit” në Varage të Zubin Potokut.
