Nga Qeveria u nis për në Kuvendin e Kosovës për të kryer një obligim, jo si kryeministër në detyrë.
Albin Kurti, ishte ndër të parët që erdhi për tu regjistruar si deputet nga Lëvizja Vetëvendosje.
Ani pse rruga ishte e shkurtër, me të ishin një numër i madh i mbrojtjes së afërt.
E gazetarët edhe të enjten mbetën pa përgjigje prej kryeministrit Kurti.
Pas Kurtit, për regjistrim erdhi edhe Agim Bahtiri.
Ky i fundit për dallim nga shefi i tij u ndal para medieve, dhe me bindje tha që i kanë numrat për formimin e Qeverisë së re.
Madje tregoi edhe me sa vota synojnë ta votojnë qeverinë Kurti3.
Si Bahtri, mendojnë edhe disa deputetë të tjerë të Vetëvendosjes.
Që Kurti do e bëjë Qeverinë besojnë edhe partnerët e tij nga Lista Guxo.
Mirëpo, një koalicion eventual me Partinë Demokratike të Kosovës nuk po e pret një deputet.
Gjatë ditës për nënshkrim erdhën edhe ministrja në detyrë e drejtësisë, Albulena Haxhiu, deputeti Avni Dehari, Labinotë Demi Murtezi, Fitim Haziri e disa të tjerë.
