Barcelona po kalon një moment të artë, teksa mbrëmjen e djeshme mposhti Dortmundin me rezultatin 4:0, duke marshuar kështu drejt rundit gjysmëfinal të Ligës së Kampionëve.
Viti 2025 ka nisur në mënyrë perfekte për skuadrën e Hansi Flickut që nuk ka humbur asnjë nga 23 ndeshjet e këtij viti kalendarik në të gjitha garat, duke regjistruar 19 fitore dhe 4 barazime.
Kjo është nisja më e mirë pa humbje në një vit të vetëm në historinë e klubit katalanas, duke kaluar edhe ecurinë e vitit 2016, ku në 22 ndeshje regjistruan 19 fitore dhe 3 barazime.
Barcelona do të tentojë që në ndeshjet e radhës ta thellojë këtë ecuri pozitive.
