Avdijaj tha se ditëlindjen e 26-të nuk e ka festuar as me familje e as me shoqëri, por me çlirimtarët e Kosovës.
“Në 26 vjetorin tim, unë nuk kam festuar me shoqëri e as familje, por kam shkuar nga Brukseli në Hagë dhe e kam festuar me çlirimtarët e Kosovës”, ka thënë ai për emisionin “Ditari” në Tëvë1.
Avdijaj po ashtu bëri të ditur se pas një apo dy muajsh do të shkojë përsëri në vizitë tek ish-krerët e UÇK-së.
“Unë tanimë e pres thirrjen e tyre pas vendimit të gjykatës, normalisht që në muajin tjetër apo pas 2 muajve do të shkoj përsëri në vizitë”, tha tutje ai.
Edhe sot derisa Gjykata Speciale po shpallte vendimin ndaj Gucatit e Haradinaj, Valon Avdijaj ka shkuar te Dhomat e Specializuara me seli në Hagë dhe nga aty ka pritur vendimin ndaj ish dy luftëtarëve të Ushtrisë Çlirimtare.
