Në emisionin “Ditari” në Tëvë 1, Musa këto deklarata i mbështeti duke thënë se në aktakuzë nuk janë përfshirë persona që do të duhej të akuzoheshin për rrjedhje të dokumenteve – duke iu referuar personit të maskuar që i sillte dokumentet e Zyrës së Prokurorit në zyrat e Organizatës së Veteranëve të Luftës së UÇK-së.
“Ka qenë vendim jo i drejtë, jo objektiv. Nuk e ka shqyrtuar, në fakt aktakuza nuk ka qenë gjithëpërfshirëse, nuk ka pasur persona që është dashur të jenë të akuzuar. Nuk kanë qenë për shkak se janë arrestuar e akuzuar dy liderët e OVL-së, ndërkaq nuk është arrestuar personi që i ka sjellë dosjet apo ai që i ka nxjerr dosjet nga Dhomat e Specializuara”, tha ai.
Sipas tij, nëse qëndron e vërteta se këto dosje kanë rrjedhur nga Serbia, atëherë është një “skandal i madh”.
“Nëse është e vërtetë që këto dosje kanë ardhë nga Serbia, dikush duhet të jetë përgjegjës se unë më tepër besoj se janë nxjerrë nga vetë dhomat e dëshmive në ZPS sepse po të ishin dosjet në Serbi ky me të vërtetë do të ishte një skandal shumë i madh”, tha ai./teve1.info/