Zingjirët e furnizimit global u përballen me një valë tronditëse, pasi tregjet globale ranë edhe një herë si pasojë e tarifave të vendosura nga presidenti amerikan, Donald Trump.
FTSE 100 në Mbretërinë e Bashkuar arriti nivelin më të ulët të një viti kur tregjet u hapën këtë mëngjes, ndërsa tregjet aziatike pësuan ditën e tyre më të keqe në dekada.
Që nga fillimi i tregtimit, tre aksionet kryesore amerikane shkuan lart e poshtë – me kërcimin që thuhet se lidhet me pretendimet e mohuara tani se Trump po konsideronte një pauzë 90-ditore të tarifave, raporton BBC.
Pas kësaj, kryeministri i Mbretërisë së Bashkuar, Keir Starmer ka bërë thirrje për “kokë të qetë” duke përsëritur se “askush nuk fiton nga një luftë tregtare”.
Shefja e BE-së, Ursula von der Leyen thotë se blloku ka ofruar tarifa “zero për zero” për mallrat industriale që eksporton në SHBA, duke shtuar se BE është “gjithmonë gati për një marrëveshje të mirë”.
Kurse, presidenti Trump ka mbrojtur sërish tarifat në platformën e tij Truth Social duke u thënë ndjekësve të tij se SHBA “ka një shans për të bërë diçka që duhet të ishte bërë DEKADA MË PARË”.
Ai u bën thirrje njerëzve që të mos jenë “të dobët” apo “budallenjë”, duke shtuar: “Mos u bëni PANIKAN (Një parti e re e bazuar në njerëzit e dobët dhe budallenj!)”.
“Bëhu i fortë, i guximshëm dhe i durueshëm, dhe MADHËSHTIA do të jetë rezultati!”, përfundon postimi.
