Një video e gjetur nga celulari i një mjeku palestinez të vrarë së bashku me 14 kolegë të tij në Gaza muajin e kaluar bie ndesh me arsyetimet që izraelitët kanë dhënë për të njëjtën ngjarje.
Videoja – e gjetur në telefonin e të ndjerit Rifat Radwan dhe e publikuar të shtunën nga Shoqata e Gjysmëhënës së Kuqe palestineze (PRCS) – tregon momentet e tyre të fundit teksa mjekët palestinezë të veshur me uniforma reflektuese dhe brenda një ambulance të identifikueshme qartësisht të PRCS, qëllohen nga forcat izraelite më 2 mars.
Në video dëgjohen zërat e dy mjekëve – njëri thotë: “Automjeti, automjeti” dhe tjetri duke u përgjigjur: “Duket se është një aksident”.
Disa sekonda më vonë, shpërthen një breshëri armësh dhe ekrani bëhet i zi.
Mjeku që regjistron skenën më vonë mund të dëgjohet duke recituar deklaratën islame të besimit, Shehadetin, të cilën muslimanët tradicionalisht e thonë përballë vdekjes. “Nuk ka Zot përveç Allahut, Muhamedi është i dërguari i tij,” thotë ai vazhdimisht, me zërin që i dridhej nga frika ndërsa të shtënat e forta me armë vazhdojnë në sfond.
Ushtria izraelite kishte thënë se ushtarët e saj nuk sulmuan qëllimisht asnjë ambulancë, porse ata qëlluan mbi “terroristët” që u afroheshin atyre me “disa automjete të dyshimta”.
Pak para se të përfundojë video, ai dëgjohet duke thënë: “Hebrenjte po vijnë, hebrenjtë po vijnë”, me sa duket duke iu referuar ushtarëve izraelitë.
PRCS tha se karvani u dërgua në përgjigje të thirrjeve emergjente nga civilët e bllokuar pas një bombardimi izraelit në Rafah
PRSC humbi tetë nga punëtorët e saj në sulm. Gjashtë anëtarë të tjerë të agjencisë palestineze të mbrojtjes civile dhe një punjonës i agjencisë së Kombeve të Bashkuara për refugjatët palestinezë, UNRWA, u vranë gjithashtu atë ditë, raporton Al Jazeera.
Trupat e tyre u gjetën të varrosur më vonë në atë që Zyra e OKB-së për Koordinimin e Cështjeve Humanitare(OCHA) e përshkroi si një varr masiv.
View this post on Instagram
