Politologu, Albinot Maloku ka deklaruar se Kurti pas procesit zgjedhor duhet të kishte një përqasje tjetër me subjektet politike dhe me qytetarët.
Sipas Malokut, partitë opozitare nuk janë të interesuara që të kenë koalicion me Lëvizjen Vetëvendosje në shërbim të krijimit të Qeverisë.
I pyetur për zgjedhje të reja në prill të vitit të ardhshëm kur skadon mandati i presidentes Osmani, sipas Malokut asnjërës parti nuk i konvenon që Kosova të shkojë në zgjedhje të reja.
“Angazhimin politik e sidomos në momentin pas procesit zgjedhor ka mund të jetë një imazh dhe një fotografi tjetër e krejt këtyre rrethanave në qoftë se do të kishte një vullnet të pastër Kurti që të kishte një përqasje tjetër në raport me subjektet politike dhe me qytetarin e Kosovës në përgjithësi. Unë sa e pashë LDK dhe PDK nuk janë të interesuara që të kenë interaksion në shërbim të krijimit të Qeverisë me LVV-në. Kam pa njëlloj kundërpeshe ndaj komunikimit dhe mënyrën se si LVV ka provuar ta diferencojë ‘veten me ne dhe ata’, kurse AAK nuk është që ka pasur asnjë situatë interesi për të qenë pjesë e qeverisë me LVV-në. Shkuarje në zgjedhje nuk i konvenon asnjërës parti, as LVV-së, mos të mendon se nuk ka më mundësi manovrimi për t`u viktimizuar po ashtu edhe subjektet opozitare nuk e kanë mundësinë të tërheqin më shumë vota si pasojë e rrethanës ndryshimit nuk kanë mundësi as ata të akuzojnë LVV-në, se ne patëm vullnetin, por nuk u bë, për një proces të vullnetit zgjedhor nuk po shoh që ka asnjë vullnet të pastër nga asnjëri prej këtyre subjekteve politike për mundësi që të ketë proces zgjedhor në prill të vitit të ardhshëm kjo mund të kalkulohet për arsye se asnjëra palë nuk dëshiron të ketë koalicion dhe partneritet”, ka deklaruar Maloku në emisionin “Ditari” në tëvë1./teve1.info/
