Osmani tha se situata aktuale në Evropë e bënë të domosdoshme pranimin e Kosovës në NATO, duke e marrë shembull Malin e Zi, që pas anëtarësimit në forcën euroatlantike siguria në vend ka qenë shumë më e madhe.
“Duke potencuar rendësin e forcimit të pozitës ndërkombëtare të Kosovës, sot kam kërkuar mbështetjen e Malit të Zi për mbështetjen e Kosovës në Këshillin e Evropës dhe në organizatat e tjera dhe siç e dini me rëndësi të veçantë sidomos në situatën aktuale të sigurisë në Evropë është NATO-ja, në veçanti për Kosovën partneriteti për paqe si hapi i parë drejt anëtarësimit në NATO”, u shpreh presidentja.
Osmani gjatë konferencës gjithashtu theksoi se me Gjukanoviqin ka rënë dakord për thellimin e bashkëpunimit në mes të dy vendeve.
“Me presidentin Gjukanoviqin sot kemi rënë dakord që ta thellojmë bashkëpunimin tonë për të siguruar konsolidim të përpjekjeve tona për të sjellë edhe më shumë stabilitet edhe më shumë paqe edhe më shumë zhvillim në rajonin tonë “, tha Osmani.
Më tej Presidentja Osmani tha se ”Mali i zi është një shembull i shkëlqyer se si anëtarësimi në NATO ka shërbyer vetëm drejt forcimit të sigurisë në tërë rajonin tonë prandaj edhe anëtarësimi i Kosovës do të duhet të shihej gjithnjë nga prizimi i njëjtë”.
