Molliqaj ka thënë se Gjykata Speciale është bërë për ta dënuar UÇK-në, përcjell teve1.info
“Kjo Gjykatë është bërë për ta dënuar UÇK-në. Aktgjykimi dënues ndaj udhëheqësve të OVL të UÇK-së, Hysni Gucatit e Nasim Haradinajt, nuk ka asnjë lidhje me drejtësinë as me të vërtetën. Asnjëra nga këto nuk mund të vijë nga Gjykata Speciale. Kjo Gjykatë është bërë për ta dënuar UÇK-në”, ka shkruar Molliqaj në Facebook.
“Nëse kjo Gjykatë është e Kosovës, atëherë ajo mundet dhe duhet të shpërbëhet nga institucionet e Kosovës. Nëse nuk është e mundur, duhet ta trajtojmë si invazion institucional”, ka shtuar ai.
Gjykata Speciale ka shpallur fajtor ish-drejtuesit e Organizatës së Veteranëve të Luftës së Ushtrisë Çlirimtare të Kosovës, Hysni Gucati e Nasim Haradinaj.
Ata janë dënuar me nga 4 vjet e gjysmë burgim, ku u llogaritet edhe koha e paraburgimit.
Gucati e Haradinaj u dënuan për publikimin e dokumenteve të Speciales. /Teve1.info/
