Apple lançoi ditën e Hënë iOS 18.4, iPadOS 18.4, macOS 15.4 dhe visionOS 2.4 duke sjellë disa veçori të reja për pajisjet e kompanisë dhe zgjeruar disponueshmërinë e Apple Intelligence për vende dhe gjuhë të reja.
Versionet e reja të platformave sjellin përditësime për aplikacionin News duke shtuar seksione të reja. Gjithashtu sjellin emoji të reja, Njoftimet Prioritare, mënyra të reja filtrimi të fotove në aplikacionin Photos dhe audio lossless në AirPods Max.
Veçori të tjera të reja janë:
- Përmbledhje të vlerësimeve të App Store të krijuara nga AI
- Një mjet muzikor ambiental në Qendrën e Kontrollit
- Opsioni për të shtuar dhe kontrolluar fshesat robotike në aplikacionin Home
- Miniaplikacione të reja për aplikacionin Podcasts
- Një stil i ri “Sketch” për imazhet në Image Playground
- Ndërsa visionOS 2.4 sjell veçoritë e Apple Intelligence si Writing Tools dhe Image Playground në pajisjen e realitetit virtual Vision Pro për herë të parë.
Pas një vonese të vogël, Apple thotë se Apple Intelligence do të jetë i disponueshëm në Bashkimin Evropian për herë të parë në iPhone dhe iPad.
Kompleti i veçorive të AI tani do të funksionojë gjithashtu në disa gjuhë të reja si gjuha “franceze, gjermane, italiane, portugeze (Brazil), spanjolle, japoneze, koreane dhe kineze (të thjeshtuar) – si dhe anglisht të lokalizuar për Singaporin dhe Indinë”, tha Apple. /PCWorld Albanian
