Ushtria izraelite ka bombarduar kryeqytetin libanez, Bejrutin për herë të dytë brenda një jave, duke lënë të vrarë të paktën 4 persona dhe duke vënë në rrezik armëpushimin me Hezbollahun për të cilin kishin rënë dakord katër muaj më parë.
Sulmi në periferinë jugore të Bejrutit, Dahiyeh, herët të martën, erdhi pa paralajmërim, sipas dëshmitarëve, ka raportuar Al Jazeera.
Ministria libaneze e Shëndetësisë tha se katër personat e vrarë përfshinin një grua dhe se shtatë të tjerë u plagosën gjithashtu.
Ushtria izraelite pretendoi në një deklaratë se kishte shënjestruar një anëtar të Hezbollahut, i cili kishte ndihmuar grupin palestinez Hamas të planifikonte një sulm të afërt kundër civilëve izraelitë. Nuk ofroi asnjë provë.
Presidenti i Libanit Joseph Aoun dënoi sulmin e fundit, duke e quajtur atë një “paralajmërim të rrezikshëm” të synimeve të Izraelit kundër vendit të tij.
