Tre persona kanë pësuar lëndime trupore, pasi që të njëjtit janë aksidentuar të hënën në mbrëmje në Suharekë.
Zëdhënësi i Policisë për rajonin e Prizrenit, Shaqir Bytyqi, ka dhënë detaje se si ka ndodhur aksidenti.
Bytyqi ka thënë se njëri nga të lënduarit është në gjendje më të rëndë shëndetësore.
“Me datë 30.03.2025, rreth orës 22:50 është raportuar se ka ndodhur një aksident te rrethrrotullimi në rrugën ‘Skënderbeu’ në Suharekë. Deri te aksidenti ka ardhur ngase ngasësi i automjetit nuk e përshtatur shpejtësinë me kushtet e rrugës dhe ka humbur kontrollin e automjetit, si pasojë ka goditur një shtëpi. Nga aksidenti përveç dëmeve materiale tre persona kanë pësuar lëndime, njëri nga ata lëndime të rënda”, ka thënë ai./teve1.info/
