Palestinezët në Rripin e Gazës festa e Bajramit i gjen pa ushqim dhe nën sulmet izraelite të cilat të dielën vranë nentë persona, përfshirë edhe pesë fëmijë.
Por, gjithë kjo nuk i pengoi palestinezët të kryenin lutjet e Fitër Bajramit jashtë xhamive të rrënuara.
Fitër Bajrami supozohet të jetë festë gëzimi për besimtarët myslimanë, kur familjet mblidhen për festa dhe blejnë rroba të reja për fëmijët – por shumica e 2 milionë palestinezëve të Gazës thjesht po përpiqen të mbijetojnë.
“Është Bajrami i Trishtimit,” tha Adel al-Shaer për Assocaied Press, pasi mori pjesë në lutjet në natyrë në qytetin qendror të Deir al-Balah. “Ne humbëm të dashurit tanë, fëmijët tanë, jetën tonë dhe të ardhmen tonë. Ne humbëm studentët tanë, shkollat dhe institucionet tona. Ne humbëm gjithçka.”
Njëzet anëtarë të familjes së tij të gjerë janë vrarë në sulmet izraelite, duke përfshirë katër nipa të rinj vetëm disa ditë më parë, tha ai ndërsa shpërtheu në lot.
“Ka vrasje, zhvendosje, uri dhe një rrethim,” tha Saed al-Kourd, një tjetër adhurues. “Ne dalim për të kryer ritualet e Zotit për t’i lumturuar fëmijët, por sa i përket gëzimit të Bajramit? Nuk ka Bajram.”
Izraeli i dha fund armëpushimit me Hamasin dhe rifilloi luftën në fillim të janarit. Sulmet izraelite kanë vrarë qindra palestinezë dhe Izraeli nuk ka lejuar ushqim, karburant apo ndihmë humanitare të hyjë për katër javë. të këtij muaji.
#شاهد | إطلاق نار من آليات الاحتلال خلال أداء الفلسطينيين صلاة العيد في عدد من المناطق داخل قطاع غزة. pic.twitter.com/0CaaPobzTl
— المركز الفلسطيني للإعلام (@PalinfoAr) March 30, 2025
