Presidentja e Kosovës, Vjosa Osmani ka kujtuar masakrën e Izbicës, ku mbetën të vrarë 146 persona nga forcat e regjimit gjenocidal të Serbisë.
E para e shtetit ka thënë se 26 vjet më pas, kujtesa për këtë krim mbetet e gjallë.
Derisa, ajo tha se masakra e Izbicës është dëshmi e dhimbshme e çmimit të lirisë së vendit dhe e gjenocidit të kryer nga Serbia.
“26 vjet më pas, kujtesa për këtë krim mbetet e gjallë. Masakra e Izbicës është dëshmi e dhimbshme e çmimit të lirisë sonë dhe e gjenocidit të kryer nga Serbia. Në tentim për t`i fshehur gjurmët e krimit, regjimi gjenocidal i Serbisë i varrosi viktimat në varrezë masive në Petrovo Sello në Beograd, në Novolan dhe në Bistricë. Por, e vërteta nuk mund të varroset. Ajo jeton në kujtesën tonë, në betejën për drejtësi dhe në të drejtën e patjetërsueshme për të mos heshtur kurrë. Lavdi viktimave të Izbicës! Drejtësi për ta!”, ka shkruar Osmani./teve1.info/
