Kryesuesi i Bordit të ZRre-së,, Ymer Fejzullahu, është gjuajtur me një tortë ‘dhuratë’, nga aktivistët e nismës “Asnjëcentmëshumë”, mesditën e sotme në një parking.
Kjo ndodhi pasi që ZRrE-ja ka propozuar shtrenjtimin e rrymës për 15 për qind duke filluar nga muaji prill.
Luan Hasanaj nga iniciativa “Asnjë cent më shumë” ka thënë se qytetarët janë të shqetësuar në lidhje me vendimin që po pritet të merret për rritjen e tarifave të energjisë elektrike.
Derisa, ky i fundit deklaratën e kryesuesit të Bordit të ZRre-së, Ymer Fejzullahu “ gjeni vet rrymën më lirë, nëse mundeni” e quan qesharake.
Ndërkohë, më 5 prill është paralajmëruar që të mbahet protestë në sheshin “Skënderbeu” në Prishtinë në ora 15:00 për kundërshtimin e këtij vendimi.
Ndryshe, Hasanaj thotë se nëse nuk ka reagim institucional pas protestës së 5 prillit do të ketë protesta, aksione simbolike si dhe thirrje që qytetarët ta bojkotojnë pagesën e energjisë elektrike”
“Kjo sot ishte një lloj shprehje e normalisht pakënaqësisë së qytetarit të cilit janë shumë të shqetësuar në lidhje me vendimin që po pritet të merret për rritjen e tarifave të energjisë elektrike dhe sigurisht se një veprim i tillë demokratik i cili nuk e bënë asnjë dëm fizik është i duhur i nevojshëm për të marrë vëmendjen e tyre dhe për t`iu treguar që qytetarët nuk do të rrinë indiferent karshi kësaj se çfarë po ndodhë. Deklaratë qesharake me qytetarët e vendit sepse dihet që kjo edhe nëse ligjërisht nëse është e mundur, teknikisht është pothuajse e parealizueshme kur dihet që qytetarët e Kosovës janë mjaftueshëm të preokupuar dhe të angazhuar me punët e tyre mirëpo kjo është vërtetë një shpërfaqje e arrogancës të këtij personi dhe këtij institucioni që ky e udhëheq. Hapi jonë është që data 5 prill të dalin të gjithë në rrugë, në sheshin “Skënderbeu” në ora 15:00 ta kundërshtojmë këtë vendim dhe të kërkojmë që ky vendim të mos merret. Nëse nuk ka reagim institucional pas protestës së 5 prillit, sigurisht fushata e kundërshtimeve nuk do të ndalet pra do të ketë protesta dhe aksione simbolike, thirrje për qytetarët që ta bojkotojnë pagesën e energjisë elektrike”, ka deklaruar Hasanaj në emisionin “Ditari” në tëvë1./teve1.info/
