Ish-diplomati dhe njëri nga bashkëpuntoret e Behegjet Pacollit, Donat Syla ka folur për angazhimin dhe koordinimin institucional për punën e bërë për të sigurua njohjen e Kosovës nga Kenia.
Syla ka thënë se në këtë angazhim e cili u bë edhe me ndihmën e institucioneve të Kosovës, ka qenë një betejë edhe me Serbinë.
Ai ka thënë se Serbia kishte dërguar një delegacion në këtë vend ditë më parë.
“Pacolli gjithmonë ka pas angazhimin për të ndihmuar dhe lobuar për Kosovën, mirëpo në këtë betejë e cila nuk ka qenë për të fituar njohjen, nuk ka qenë betejë pa ndihmën e institucioneve të Kosovës, përtej atyre deklarimeve formale që i patëm sot, ka qenë një betejë edhe me Serbinë”, ka thënë ai në emisionin “InfoNata” në Tëvë 1.
Pacolli publiko lajmin për njohjen nga Kenia. Ministria e Jashtme e këtij shteti tha se Pacolli ishte aty si deleguar i presidentes së Kosovës, Vjosa Osmani.
Syla ka thënë se letra e njohës duhet t’i dorëzohet kreut të shtetit.
“Në komunikimin e shteteve ekziston një procedurë dhe ne dijmë se kush janë bartësit kryesor të institucioneve andaj rrjedhimisht duhet që letra e njohjes t’i dërgohet titullarit të postit. Kjo është”, ka thënë ai.
Pas lajmit për njohjen nga Kenia, presidentja e Kosovës, Vjosa Osmani dhe kryeministri Albin Kurti duke e vlerësuar si shumë të rëndësishme këtë njohje, kanë falënderuar kontributin e Pacollit.
