“Kur po të lypin fëmija, bukë edhe mos me pas me i qit më e randë për nanë nuk ka, veç me hi në dhe për së gjalli”
Kushtet e vështira ekonomike e kanë rënduar tejmase jetën e Tefide Tashevcit nga Prishtina.
Kjo meqë kjo familje katërantarëshe jeton në një dhomë të vetme, e cila as ajo nuk është e tyre.
Më lot në sy nënë Tefidja, rrëfen për televizionin për kushtet e rënda që kanë.
“Me të thanë të drejtën jetesa shumë është e rëndë, shumë janë kushte të rënda sa që as nuk kam fjalë me përshkrua. Kjo shtëpi është e kunatit na jemi për një kohë të shkurtë këtu, nëse dalim ne prej këtu nuk kemi as ka të shkojmë mbesim rrugëve, se s’kem as qysh me pagu qera me një social. Mbes shumë herë edhe pa ushqim, fëmija më mbesin pa qumësht. Krejt çka bëjë i kam qel, me derë e kam qel qashtu nuk mbyllet qysh duhet, dritaret i kam kap me llastik qysh kam mundur mos me hi të ftohtit me u ftoh fëmija”, shprehet Tashevci.
E barrën e njëjtë mbi supe e bart edhe kryefamiljari Basri Tashevci.
32 vjeçari, i cili për shkak të shëndetit nuk mund të punojë punë të rënda fizike, thotë se jetesa e tillë e ka dërmuar.
“Kushtet i kemi valla boll të rënda, që qetu i kemi, qetu po jetojmë, qetu i lëmë teshat, qetu me flejt qetu me honger qetu me pi. Boll për qeta fëmijë boll është”, thotë ai.
Pavarësisht kushteve, zonja e shtëpisë thotë se asnjëherë nuk do ta humbë shpresën për një jetë më të mirë.
Ajo madje ka një kërkesë drejtuar njerëzve të vullnetit të mirë.
“Sado pak me më ndihmu për një strehë nuk po zgjedh a është shtëpi a banese veç t’i kam fëmijët e mi rahat mos të mi prek shiu e as pikë, as kurgjo. E shihni edhe vet, teshat nëpër qoshe, një dollap ma kanë fal qysh po mundemi nga pak, por myku po më mbyt. Fëmijët qashtu të sëmurë me bronhitis, vet qashtu jam kanë”, shprehet Tevdie Tashevci.
Kjo familje pret ndihmën e bamirësve për ushqim, veshmbathje e strehim.
Numri i familjes Tashevci: 045262750.
