Lëvizja Vetëvendosje ka paralajmëruar se do ta dërgojë në Gjykatën Kushtetuese vendimin e Gjykatës Supreme e cila hodhi poshtë ankesën e kësaj partie për votimin me postë.
Blerim Sallahu, zëvendësministër i Drejtësisë dhe anëtarë i LVV-së ka thënë se diskutimi në supreme për vendimin ka qenë më shumë politik e larg të qenurit juridik.
“Kemi informacione nga brenda se diskutimi përgjatë vendimit në Supreme ka qenë kryekëput politik dhe larg të qenit juridik e ligjor gjë që tregon pak a shumë për natyrën e vendimit. Por, si Lëvizje VETËVENDOSJE! do të ndjekim të gjitha hallkat ligjore në mënyrë që të sjellim drejtësi për këtë skemë krimi e manipulimi. Si Lëvizje VETËVENDOSJE! do të parashtrojmë kërkesë për vlerësimin e kushtetutshmërisë së vendimit të Gjykatës Supreme në Gjykatë Kushtetuese, ku gjithsesi do të kërkojmë edhe masën e përkohshme ndaj një vendimi absurd dhe të ndikueshëm politikisht”, ka shkruar ai.
Supremja refuzon ankesat për procesin zgjedhor, i hapet rruga certifikimit
