Në “Info Nata” në Tëvë 1, Zeka theksoi se policët dhe zjarrfikësit kryejnë gati të njëjtën punë e për këtë koeficienti duhet të jetë i barabartë për të dyja palët.
“Duhet neve të na barazojnë me Policinë. Se i përkasim njësisë së punës së brendshme edhe e kryejmë gati të njëjtën punë, sikur Policia, atëherë duhet me qenë të barabartë sa i përket pagave me policinë…dhe koeficienti të jetë i barabartë me policinë”, tha ai.
Zeka foli edhe për sigurimin shëndetësor të zjarrfikësve. Siç thotë ai, çdo zjarrfikës që pëson lëndime, shërimin e paguan vetë.
“S’kemi sigurim shëndetësor. Duhet të ishte sigurimi shëndetësor. Çdo lëndim, çdo sëmundje duhet të shërohet prej xhepit të tij”, shtoi Zeka. /Teve1.info/
