Protestat masive në Turqi kanë hyrë në ditën e gjashtë, ndërsa presidenti i Turqisë, Rexhep Tajip Erdogan ka fajësuar partitë opozitare për provokimin e një “lëvizje dhune”.
Trazirat filluan të mërkuren pas arrestimit të kryebashkiakut të Stambollit, Ekrem Imamoglu i cili u arrestua nën akuzën për korrupsion.
Imamoglu tha se akuzat kundër tij ishin të motivuara politikisht, një pretendim që Erdogan e ka mohuar, raporton BBC.
Erdogan i ka cilësuar demonstratat “të liga” dhe fajëson opozitën për “turbullimin e qetësisë së qytetarëve tanë me provokime” dhe ka bërë thirrje për përfundimin e tyre.
Partia kryesore opozitare e Turqisë, Partia Republikane Popullore (CHP), e cila shpalli Imamoglun si kandidatin e saj presidencial të dielën, tha se demonstratat do të përfundojnë të martën, pa thënë se cilët do të jenë hapat e ardhshëm.
