Ajo ka folur edhe për darkën e Kurtit me Vuçiqin, ku tha se nuk ka qenë momenti për darka, pasi sipas saj mund të shfrytëzohet nga pala e Serbisë.
“Kosova deri tani nuk shoh që ka angazhim serioz për arritjen e një marrëveshje me Serbinë, por mendoj që Kurti është peng i politikës së tij të brendshme në lidhje me dialogun. Megjithatë ka filluar të ndryshojë është zhvilluar darka me Vuçiqin në kundërshtim me vetveten dhe me pikëpamjet e tij, por është momenti që t’i pranojë gabimet e bëra. Nuk mendoj që ka qenë momenti për darka, mendoj që duhet vetëm takime zyrtare. Relaksim i panevojshëm që mund të shfrytëzohet nga pala tjetër i raporteve, por jo produktive”, tha Lama në emisionin “Këndi i Debatit” në Tëvë1.
Sipas saj, Kosova nuk po e shfrytëzon momentumin kur të gjithë janë kundër Rusisë dhe të irrituar me Serbinë.
“Unë nuk shoh asnjë lloj angazhimi. Me secilin vend të BE-së në këto kushte kur të gjithë janë kundër Rusisë, është momentum për të shfrytëzuar dhe të gjithë janë të irrituar me Serbinë. Nuk po shoh për ta kap momentin Qeveria e Kosovës dhe për të kërkuar një partneritet më të fuqishëm që presioni të jetë mbi Serbinë për të nënshkruar një marrëveshje në favor të Kosovës”, tha Lama. /teve1.info/
