Pasditen e së martës, rektorati i Universitetit të Prishtinës “ Hasan Prishtina” u rrethua me shirita nga Polica e Kosovës.
Kjo pas një emali më përmbajtje kërcënuese që pranoi menaxhmeti i rektoratit të UP-së. Me dyshimin së në objektin e këtij institucionin ka mjet shpërthyese.
Burimet brenda rektoratit i kanë bërë të ditur se emaili të cilin e kanë pranuar, ishte në gjuhen angleze.
Kështu në vendin e ngjarjes doli Policia e Kosovës. Me vete kishin edhe qentë zbulues.
Por pas hetimeve të bëra sipas zëdhënësit të Policisë së Kosovës, Agron Borovci, alarmi ka rezultuar të jetë i rremë.
“Pas ndërmarrjes së të gjitha veprimeve të nevojshme operative si dhe kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese, informata – alarmi ka rezultuar të jetë i rrejshëm”, thuhet nw njoftimin e Policisw.
Ndërkaq në një përgjigje përmes telefonit, rektori i UP-së, Naser Sahiti, tha se mund të pezullohet mësimi vetëm nëse një gjë e tillë u kërkohet nga policia e shtetit.
Raste të ngjashme të kërcënimeve me bombë disa herë kishte marrë edhe stacioni i autobusëve në Prishtinë.
Raporti i gazetares Doresa Geci.
