Kosova, Shqipëria dhe Kroacia të martën kanë nënshkruar marrëveshje trilaterale në fushën e Mbrojtjes.
E për këtë çështje, Xhavit Haliti nga PDK ka deklaruar se në këtë marrëveshje duhet të ketë hyrë edhe Mali i Zi dhe Serbia, pasi që sipas tij Ballkani me pas mundësi dhe fuqi të përbashkët.
Haliti tha se Evropa duhet me u fuqizua dhe me pas ushtri të fortë sikurse vendet e tjera të botës.
“Për mua çdo marrëveshje që bëhet me Shqipërinë është e mirë, ne duhet me qenë në harmoni për çdo veprim Kosovë – Shqipëri, ajo marrëveshje duhet me u miratua në parlament Kosovë – Shqipëri- Kroaci, mendoj që në këtë marrëveshje duhet me qenë edhe Mali i Zi i inkoporiaruar në atë marrëveshje, mendoj që duhet me u mendua që edhe Serbia duhet me hy në atë marrëveshje që Ballkani me pas mundësi dhe fuqi të përbashkët në çoftë se rrezikohet me i dalë rrezikut përpara. Ne e kemi llogaritë Amerikën si fuqinë më të madhe dhe është fuqia ushtarake më e madhe e botës edhe ekonomike por janë fuqizua Kina, Rusia dhe India, por edhe Evropa duhet me u fuqizua me u armatosur me pasë ushtri të fortë”, ka deklaruar Haliti në emisonin “Ditari” në Tëvë1.
Ndryshe, sa i përket trajtimit të Speciales ndaj Thaçit për mos lejimin në varrimin e babait të tij, ky i fundit thotë se Specialja ka parashikuar gjithçka që mund të kishte ndodhur nëse Thaçi kishte ardhur në Kosovë.
Derisa ai tha se Thaçi nuk është “në një hotel atje, është në një Gjykatë”, që sipas tij rregullat i përcakton ajo vetë.
“Sa i përket ardhjes në procesin e varrimit, ata i kanë rregullat e tyre nuk mundem të jap deklarata patetike, por mirë ka qenë për ta lëshuar, problemi është se ata parashikojnë gjithçka që mundet me ndodhë nëse Thaçi kishte ardhur në Kosovë në varrimin e babait të tij. Kemi pasur rastin edhe të Kadri Veselit dhe Nasimit. Ai nuk është në një hotel atje, është në një Gjykatë që rregullat i përcakton ajo atje, normalisht ne duhet të bëjmë presion në këto raste, zakonet tona janë që duhet me marrë pjesë në këto raste”, ka thënë Haliti./teve1.info/
