Komiteti Ministror i caktuar nga Samiti i Jashtëzakonshëm i Përbashkët Arabo-Islamik për Gazën ka dënuar rifillimin e luftës në Gaza dhe “bombardimin e drejtpërdrejtë të zonave të populluara nga civilë të paarmatosur”, duke thënë se ai përbën “një përshkallëzim që rrit kërcënimin e një konflikti më të gjerë në rajon”, njofton AJ.
Në një deklaratë të publikuar nga Ministria e Jashtme Palestineze, të postuar në rrjetin social X, komiteti i bëri thirrje komunitetit ndërkombëtar që “të marrë përsipër përgjegjësitë e tij morale dhe ligjore dhe të ndërhyjë menjëherë për të ushtruar presion mbi Izraelin (fuqinë pushtuese) që të ndalojë menjëherë agresionin dhe shkeljet e tij”.
Komiteti u formua në nëntor 2023 nga qeveritë e Katarit, Arabisë Saudite, Egjiptit, Jordanisë, Bahreinit, Turqisë, Indonezisë, Nigerisë dhe Palestinës, si dhe nga Liga Arabe dhe Organizata e Bashkëpunimit Islamik.
بيان عن اللجنة الوزارية المكلفة من القمة العربية والإسلامية الاستثنائية المشتركة بشأن التطورات في قطاع غزة
Statement by The Ministerial Committee Assigned by the Joint Arab Islamic Extraordinary Summit on Gaza pic.twitter.com/RJRMCboEsC
— State of Palestine – MFA 🇵🇸🇵🇸 (@pmofa) March 20, 2025
