Në një deklaratë, Zyra për Media e Qeverisë së Gazës ka thënë se janë vrarë katër zyrtarë të lartë të qeverisë si pasojë e bombardimeve të Izraelit gjatë natës.
Emrat e të vrarëve përfshijnë Issam al-Dalis, kreun e punëve publike të qeverisë, Ahmed al-Hatta, nënsekretar i Ministrisë së Drejtësisë, Mahmoud Abu Watfa, nënsekretar i Ministrisë së Brendshme dhe Bahjat Abu Sultan, drejtor i përgjithshëm i shërbimit të sigurisë së brendshme, ka raportuar Al Jazeera.
“Zoti i mëshiroftë, së bashku me qindra dëshmorë nga populli ynë palestinez si pasojë e krimeve të vazhdueshme që nga agimi i sotëm”, thuhet në deklaratë.
Në ndërkohë, Hamasi ka lëshuar një deklaratë ku ka përgënjeshtruar pretendimet izraelite se ata janë duke u riarmatosur dhe se po përgatiteshin për të kryer sulme të reja, duke thënë se këto janë “pretekste të dobëta për të justifikuar rifillimin e luftës”.
Netanyahu pritej të dëshmonte në një gjyq për korrupsion kundër tij, por paraqitja e tij u shty për shkak të zhvillimeve të fundit në Gaza.
