Haxhi Thaçi, babai i ish-presidentit Hashim Thaçi, i cili u nda nga jeta të dielën e 16 marsit, do të varroset sot.
Atij do t’i jepet lamtumira e fundit në varrezat e reja të fshatit Burojë në Skenderaj, nga ora 15:00.
Në ceremoninë mortore, ish-presidenti Thaçi nuk u lejua nga Gjykata Speciale për të marrë pjesë.
Komuna e Skenderajt ka njoftuar se ceremonia e varrimit të babait të ish-presidentit Hashim Thaçi, do të mbahet nën përkujdesjen e kryetarit të kësaj komune, Fadil Nura.
Kjo komunë ka bërë të ditur agjendën zyrtare të ceremonisë mortore për Haxhi Thaçin.
“E marta do të nisë me homazhe pranë arkivolit të të ndjerit, nga ora 09:00 deri në ora 12:00 në palestrën ‘Ilaz Kodra’ në Skenderaj”, thuhet në njoftim.
Tutje, nga ora 12:00 do të mbahet mbledhje komemorative, po ashtu në palestrën “Ilaz Kodra”.
Ndërkohë, është bërë e ditur se e pamja e familjes Thaçi do të jetë e hapur më 19 e 20 mars në palestrën e këtij qyteti.
