Emisari amerikan për Misione të Veçanta, Richard Grenell ka rishpërndarë postimin e kryeministrit shqiptar, Edi Rama, ku shprehu indinjatë ndaj Gjykatës Speciale pasi nuk i lejuan ish-presidentin Thaçit të merrte pjesë në ceremoninë e varrimit të babait të tij.
Rama tha se Specialja është një “gjykatë turpi”.
“Një poshtërim i ri nga një tribunal i turpshëm dhe i paturp, që e ka shndërruar drejtësinë ndërkombëtare në një farsë, të drejtat demokratike në fjalë boshe dhe vullnetin e mirë të Kuvendit të Kosovës në bumerangun më brutal”, ka shkruar Rama në “X”, të hënën.
Ndryshe, Haxhi Thaçi, babai i ish-presidentit Hashim Thaçi, ka vdekur të dielën në orët e vona. Varrimi i babait të ish-presidentit Thaçi bëhet në orën 15:00, në fshatin Burojë të Skenderajt.
