Tre persona të plagosur rëndë nga zjarri në një klub nate në qytetin e Koçanit në Maqedoninë e Veriut u transportuan në Turqi të dielën me një aeroplan ambulancë të drejtuar nga Ministria turke e Shëndetësisë.
Avioni u ul në aeroportin Sabiha Gokcen në Stamboll, ku u transferuan në qendrën e djegieve në Basaksehir Cam dhe Sakura City Hospital për trajtim.
Në përgjigje të një kërkese urgjente nga autoritetet e Maqedonisë së Veriut, Turqia dërgoi dy avionë evakuimi mjekësor, raportoi agjencia Anadoly.
I pari transportoi tre të plagosurit në Stamboll, ndërsa një avion i dytë, i operuar nga Ministria e Mbrojtjes Turke, transportoi gjashtë viktima të tjera në spitalin e qytetit të Ankarasë Bilkent për trajtim të specializuar.
Ministri turk i Shëndetësisë Kemal Memisoglu shprehu ngushëllimet e tij dhe përsëriti angazhimin e Turqisë për të mbështetur Maqedoninë e Veriut, duke theksuar se vendi mbetet i gatshëm të ofrojë ndihmë të mëtejshme mjekësore nëse është e nevojshme.
Zjarri, i cili shpërtheu vonë të shtunën në mbrëmje, vrau 59 njerëz dhe plagosi të paktën 155 të tjerë, sipas raporteve lokale.
