Rusia do të kërkojë garanci që NATO do të përjashtojë Ukrainën nga anëtarësimi dhe se Ukraina do të mbetet neutrale në çdo marrëveshje paqeje, ka thënë një zëvendësministër i jashtëm rus.
“Ne do të kërkojmë që garancitë e hekurta të sigurisë të bëhen pjesë e kësaj marrëveshjeje,” tha Alexander Grushko për median ruse Izvestia.
“Pjesë e këtyre garancive duhet të jetë statusi neutral i Ukrainës, refuzimi i vendeve të NATO-s për ta pranuar atë në aleancë,” tha ai.
Kjo vjen pasi presidenti i SHBA-së, Donald Trump ka thënë se do të flas me homologun e tij rus, Vladimir Putin të martën.
Duke folur në Air Force One të dielën në mbrëmje, Trump tha: “Shumë punë është bërë gjatë fundjavës. Ne duam të shohim nëse mund t’i japim fund asaj lufte”.
“Ne do të flasim për tokën. Do të flasim për termocentralet,” tha Trump kur u pyet për koncesionet.
Trump shtoi se ai tashmë po diskutonte “ndarjen e aseteve të caktuara” midis Rusisë dhe Ukrainës, ka raportuar BBC.
SHBA dhe Ukraina kanë rënë dakord t’i propozojnë Rusisë një armëpushim 30-ditor.
Ndërsa Putin tha se ai mbështeste një armëpushim, ai gjithashtu vendosi një listë të kushteve të vështira për arritjen e paqes.
