Policia e Kosovës ka njoftuar se lidhur me rastin janë arrestuar të dyshuarit D.H. 21-vjeçar, RR.T. 22-vjeçar, G.T., 21-vjeçar dhe D.T., 15-vjeçar.
Sipas njoftimit, viktima ka marrë lëndime trupore dhe është dërguar për tretman në Qendrën Emergjente në Ferizaj.
“Në lidhje me këtë, policia i ka marr veprimet e nevojshme dhe menjëherë ka dalë në vendin e ngjarjes dhe ka shoqëruar në stacionin e policisë katër persona të dyshuar (M/K), të cilët shkak i një mosmarrëveshje në rrugë, kishin sulmuar personin me inicialet M.K ( M/K) i moshës 31 vjeçar, duke i shkaktuar lëndime trupore dhe për tretman mjekësor është dërguar në Qendrën Emergjente në Ferizaj. Të dyshuarit janë shoqëruar në stacionin policor në Ferizaj dhe në rast janë kyçur njësia e hetimeve e stacionit policor në Ferizaj”, thuhet ndër tjerash në njoftim.
Tutje, Policia ka njoftuar se dy të dyshuarit D.H., dhe RR.T., janë dërguar në mbajtje për 48 orë, kurse dy të tjerët janë liruar për në procedurë të mëtejmë hetimore.
