Rreshteri i Policisë Rajonale në Pejë, S.H., dyshohet se ka sulmuar mbrëmë kolegen tij përderisa ishin jashtë detyrës zyrtare.
Me lëndime të rënda, e njëjta u dërgua për trajtim mjekësor në Spitalin Rajonal të Pejës
Rasti u konfirmua edhe nga Prokuroria Themelore në Pejë.
Nga Prokuroria Themelore e Pejës kanë bërë të ditur për tëvë1 se prokurori i çështjes ka bërë kërkesë për caktimin e masës së paraburgimit për të pandehurin.
Rreshteri është ndaluar për 48 orë.
Madje ai është suspenduar nga puna nga Inspektorati Policor.
“Zyrtarit policor me vendim të prokurorit i është caktuar masa e ndalimit për 48 orë me dyshimin se ka kryer veprën penale “Lëndim i rëndë trupor” dhe “kanosje”. Lidhur me rastin e njëjtë, si pjesë e procedurave administrative dhe hetimore, zyrtari policor është suspenduar”, thuhet në njoftimin e Inspektoratit.
Për ndriçimin e këtij rasti, pritet të ndërmerren veprime të tjera hetimore nga Inspektorati Policor i Kosovës.
Raporti i gazetares Doresa Geci.