Sipas një komunikate nga Policia e Kosovës, personi i arrestuar dyshohet se në mënyrë të kundërligjshme kishte vjedhur të dhënat e kartelave bankare të klientëve të cilët kanë bërë blerje në dyqanin ku i dyshuari ka punuar si menaxher dhe pastaj këto të dhëna i njëjti i kishte përdorur duke bërë blerje të kriptovalutave në një platformë online të kriptovalutave, përcjellë teve1.info.
“I dyshuari ka fotografuar kartelat bankare në momentin kur klientët ia kanë dhënë kartelën arkatarës për të bërë pagesë, në disa raste i dyshuari e ka marrë kartelën e bankës nga arkëtarja dhe në mënyrë të fshehtë me telefonin e tij i ka fotografuar kartelat në të dy anët me qëllim që këto të dhëna pastaj ti përdor për përfitime materiale në mënyrë të kundërligjshme”, thuhet në komunikatë.
Tutje në njoftimin e policisë thuhet se “Në këtë rast janë identifikuar disa të dëmtuar në disa banka të ndryshme të Kosovës, dhe dëmi i shkaktuar është disa mijëra euro.
Ndërsa sipas policisë, me urdhër të prokurorit i dyshuari është dërguar në mbajtje për procedura të mëtejme ligjore./Teve1.info
