Anita Smith ka qenë gjithmonë e kujdesshme për sa i përket asaj që ndan në internet. Pas një lidhjeje abuzive dhe përndjekjes nga partneri, ajo zvogëloi praninë e saj online, duke përfshirë heqjen e disa llogarive dhe postimeve, shkruan BBC.
Ajo është gjithashtu më e kujdesshme për kushtet e përdorimit të platformave sociale dhe ka shmangur të postojë për djalin e saj për shkak të përdorimit të imazheve nga modelet e inteligjencës artificiale.
Një studim tregon se 39% e përdoruesve janë të shqetësuar për përdorimin e të dhënave të tyre online, ndërsa 26% përdorin VPN.
Ekspertët sugjerojnë përdorimin e VPN, bllokimin e cookies dhe kontrollimin e privatësisë në rrjetet sociale.
Shpesh, informacioni i ndarë online përdoret nga mashtruesit dhe shpërndahet për reklamim.
Ata sugjerojnë gjithashtu të kontrolloni politikat e privatësisë dhe të kërkoni heqjen e të dhënave të ruajtura nga kompanitë, transmeton KosovaPress
Nëse doni të ulni shenjën tuaj digjitale, është e rëndësishme të kufizoni sa më shumë informacionin që ndani online dhe të përdorni mjetet e sigurisë si antivirus dhe shërbime për heqjen e të dhënave.
