Kështu i kanë thënë dy zyrtarë nga Shtëpia e Bardhë agjencisë amerikane të lajmeve “Axios”, duke treguar se Departamenti amerikan i shtetit planifikon që gjatë ditës ta informojë Qeverinë e Kosovës për vendimin final.
Kjo është hera e parë që administrata amerikane ka kërkuar për afganët e strehuar në Kosovë një verifikim shtesë përpara se t’iu lejohet hyrja në ShBA.
Refuzimi i hyrjes në ShBA erdhi pas shqetësimeve të sigurisë, ose identifikimin e lidhjeve të mundshme me talebanët ose organizatat terroriste.
“Axios” raporton se Departamenti Amerikan i Shtetit po shqyrton dy opsione për këta 16 afganë.
Njëra nga këto opsione është të punojë me talebanët për të lehtësuar kthimin e tyre në Afganistan dhe opsioni tjetër është që t’i bindin vendet e tjera që t’i pranojnë ata.
