Qeveria e përkohshme e Sirisë thotë se ka arritur një marrëveshje historike me forcat e udhëhequra nga kurdët për t’i integruar ato në institucionet shtetërore ndërsa përpiqet të bashkojë komunitetet e ndryshme të vendit pas një dekade lufte civile.
Presidenti i përkohshëm Ahmad al-Sharaa njoftoi marrëveshjen të hënën, duke thënë se marrëveshja me Forcat Demokratike Siriane (SDF) të udhëhequra nga kurdët synon “të garantojë të drejtat e të gjithë sirianëve në përfaqësim dhe pjesëmarrje në procesin politik dhe të gjitha institucioneve shtetërore bazuar në kompetencë, pavarësisht prejardhjes së tyre fetare dhe etnike”.
Marrëveshja do të njohë zyrtarisht komunitetin kurd të Sirisë si një pjesë integrale të shtetit, duke u dhënë shtetësinë dhjetëra mijërave të cilëve më parë iu mohua ajo nën sundimin prej dekadash të regjimit të Asadit, raporton CNN.
Ajo vjen gjithashtu gati dy javë pasi udhëheqësi militant kurd Abdullah Öcalan u bëri thirrje pasuesve të tij në Partinë e Punëtorëve të Kurdistanit (PKK) që të dorëzojnë armët dhe të shpërndajnë grupin, duke i dhënë fund një konflikti të gjatë me Turqinë që ka marrë të paktën 40,000 jetë dhe ka ndikuar militantët kurdë në të gjithë rajonin.
SDF, e cila ka dhjetëra mijëra luftëtarë të armatosur dhe të trajnuar mirë, nuk ishte në linjë as me regjimin e Asadit dhe as me opozitën gjatë luftës civile.
