Kështu ka bërë të ditur babai i saj, Vërshim Kastrati i cili ka treguar se personi që ka goditur atë me veturë, ka ikur nga vendi i ngjarjes.
“Sot në mengjes, një të diele të qetë vikendi dola për të pirë kafen e mëngjesit në sheshin e Prishtinës me bashkëshorten dhe 2 fëmijët e mi (vajza Aria gjashte vjeçe dhe djali Arktiku shtatë vjeç). Fëmijët me vete kishin edhe biçikletat e tyre, një qytetar i kohës së paleolitit (egërsirë) rreth orës 09:40 hyn me një veturë BMË sheshit të Prishtines nga Hotel Sëiss Diamond dhe del tek rruga e kafiterisë Zanzi Bar meqë rast e godet vajzën time në sheshin ‘Nëna Terezë’ dhe me një shpejtësi të madhe ik nga vendi i ngjarjes”, u shpreh ai.
Tutje, ai tregoi se pas këtij veprimi kanë mbetur të shokuar, teksa tregon se i dyshuari që shkaktoi aksidentin ende nuk është kapur.
“Të gjithë ne mbetëm të shokuar nga kjo ngjarje bizare. Çfarë njeriu duhet të jesh të hysh në shesh, të godasësh një fëmijë 6-vjeç dhe aq më pak te ikësh nga vendi i ngjarjes. Ekipet e Emergjencës dhe Policisë dolën në vendin e ngjarjes. Vajza ka pësuar gërvishtje dhe ndrydhje, ndërsa emocionalisht është e shqetësuar”, shkroi ndër tjerash ai./teve1.info/