Detaje të reja për armatimin e gjetur sot në Radel të Leposaviqit ka dhënë drejtori i Policisë së Kosovës, Gazmend Hoxha.
Hoxha ka bërë të ditur se lidhur me rastin është arrestuar një person, si dhe tha që operacioni po vazhdon akoma.
“Tani po jap listën e provave. Një pushkë, kondak pushke, 19 fishekë për pistoletë, një çantë me 49 fishekë për armë të gjatë, 1 palë dylbi për snajper, 11 fishekë për armë gjuetie, 1 çantë me 4 karikator të zbrazët, një pjesë për tytë, dhe një kuti me vaj. Pajisje për pastrimin e armës, dy gazmaska, pajisje ushtarake për ushqim, çantë për ndihmë të parë, qese për pajisje dhe ndihmë të parë, dy vula, literaturë të ndryshme, çantë me dokumente, substancë të dyshuar të eksplozivit, telefona, dylbi, dy shigjeta, substancë e dyshuar e eksplozivit, thikë, karikator i zbrazët, disa çanta ushtarake, jakne me mbishkrime si dhe 31-40 uniforma ushtarake të ndryshme, ku në mesin e tyre një është e organizatës ‘Mbrojtja Civile’”, tha Hoxha nga Leposaviqi në një konferencë për media.
Ndërkohë, prezentë në konferencë ishte edhe ministri i Punëve të Brendshme, Xhelal Sveçla, i cili tha se policia ka gjetur dokumentacione që dëshmojnë se organizata terroriste “Mbrojtja Civile”, vazhdon të jetë aktive në territorin e Kosovës./teve1.info/
Sveçla nga Leposaviqi: “Mbrojtja Civile” vazhdon të jetë aktive
Pamje nga armatimi që Policia e Kosovës e konfiskoi në Leposaviq
