Kryeministri i Kosovës, Albin Kurti është ftuar nga Gjykata Themelore në Prishtinë për të dëshmuar në raporton me kërkesën e Prokurorisë Speciale lidhur me skandalin e rezervave shtetërore.
Kurti është ftuar për të dëshmuar më 4 mars të këtij viti me fillim nga ora 10:00.
E për këtë çështje, avokati, Ardian Bajraktari vlerëson se thirrja e mëhershme dhe tani nga ana e Prokurorisë për kryeministrin e Kosovës, Albin Kurti nuk ka pasur justifikime.
“Unë vlerësoj që edhe më përpara kur është thirrur nga ana e Prokurorisë nuk ka pasur justifikime e as më tepër tash, prandaj vlerësoj që hapat e mëtutjeshëm të Institucioneve të Drejtësisë janë të përcaktuara me dispozitat respektive sipas të cilës natyrisht mosparaqitja dhe mos arsyetimi i njëjtës mund të reflektojë me ndëshkim ligjor”, ka deklaruar Bajraktari në emisionin “Ditari” në tëvë1.
Derisa, ai thotë së mosparaqitja e kryeministrit në Prokurori sipas urdhrit të lëshuar nga Gjykata, përbën dënimin me gjobë.
Madje sipas Bajraktarit, subjekti i cili nuk paraqitet në Prokurori, mund të shqiptohet dënim me burgim deri një muaj.
“Vlerësoj se mosparaqitja eventuale e kryeministrit të vendit në Prokurori sipas urdhrit të lëshuar nga ana e Gjykatës përbën shkak për shqiptimin e masës së sanksionit përkatësisht dënimit me gjobë, sipas nenit 132 paragrafi 2 të kodit procedurës penale e natyrisht nëse në rast një gjë e tillë bëhet e përsëritur subjekti i cili nuk paraqitet mund të jetë edhe mund të shqiptohet dënim me burgim deri një muaj, por besoj që kryeministri i vendit nuk do ta bie punën në këtë…. për faktin se kemi urdhër dhe përcaktim të Gjykatës dhe të njëjtit natyrisht që duhet t`i bindet, prandaj i njëjti duhet t`iu përgjigjet Institucioneve të Drejtësisë për të dhënë dëshminë e tij”, ka thënë avokati./teve1.info/
