Prokurori i Shtetit në Prokurorinë Themelore në Prishtinë ka kërkuar caktimin e masës së paraburgimit ndaj tre personave nën dyshimin lidhur me rastin e 11-vjeçares e cila dyshohet se është dhunuar sërish.
Rastin e ka konfirmuar për teve1.info, zëdhënësja e Prokurorisë Themelore në Prishtinë, Kaltrina Shala, e cila tha se sot është mbajtur seancë dëgjimore lidhur me këtë rast.
Shala ka deklaruar se në lidhje me rastin janë arrestuar janë shtatë persona, tre prej të cilëve dyshohen për veprën penale “Dhunim”, dy të tjerë për “trafikim me njerëz” dhe dy për “shërbimet seksuale të viktimës së trafikimit”.
“Lidhur me pyetjen tuaj ju njoftojmë se Prokurori i shtetit ka caktuar masën e paraburgimit ndaj tre (3) personave të dyshuar për veprën penale, ndërsa sot me datë 28.02.2025 po mbahet seanca dëgjimore prej orës 9:30 minuta kundër katër (4) personave të dyshuar për veprën penale. Personat të cilët dyshohet se kanë kryer veprat penale janë: Tre (3) persona për vepër penale ”Dhunimi”, dy (2) persona për vepër penale ”Trafikimi me njerëz”, si dhe dy (2) persona për vepër penale ”Shërbimet seksuale të viktimës së trafikimit””- thuhet në përgjigje.
